அனைத்து சுகாதார நிபுணர்களிடையேயான சேர்ந்து குழுவாக பணிபுரியும் மனப்பாங்கு உரிய தரத்திலான சிறந்த மற்றும் வினைத்திறனான சுகாதார சேவையைப் வழங்க எங்களுக்கு உதவியுள்ளது...

• சுகாதார மற்றும் வெகுஜன ஊடக அமைச்சர் டாக்டர் நளிந்த ஜயதிஸ்ஸ  – 

நாட்டில்  உரிய மற்றும் வினைத்திறனான சுகாதார சேவையை வழங்க அனைத்து சுகாதார நிபுணர்களிடையே குழுவாக பணிபுரியும் மனப்பாங்கு முக்கிய காரணியாகும் என்றும், அவர்களுக்கிடையேயான பரஸ்பர புரிதல் ஒரு நல்ல சிறந்த சூழலை உருவாக்குவதில் மிகவும் உதவியாக இருக்கும் என்றும் சுகாதார மற்றும் வெகுஜன ஊடக அமைச்சர் டாக்டர் நளிந்த ஜயதிஸ்ஸ தெரிவித்தார்.

மருத்துவ நிபுணர்கள் சங்கத்தின் (Association of Medical Specialists - AMS)  பிரதிநிதிகளுடன் நடைபெற்ற விசேட கலந்துரையாடலின் போது அமைச்சர் இதை தெரிவித்தார். இந்த கலந்துரையாடல் சமீபத்தில் சுகாதார மற்றும் வெகுஜன ஊடக அமைச்சில் நடைபெற்றது. 

நாட்டின் எதிர்கால வளர்ச்சிக்கு நாட்டில் வினைத்திறனான சேவையைப் பேணுதல் மற்றும் மருத்துவ அதிகாரிகளின் சேவைகளை வழங்குவதில் உள்ள பல நடைமுறை சிக்கல்களுக்கு உடனடி தீர்வுகளைப் பெறுதல் ஆகியவற்றை நோக்கமாகக் கொண்டு, விசேட மருத்துவர்களின் சங்கம் சுகாதார மற்றும் ஊடக அமைச்சர் டாக்டர் நளிந்த ஜயதிஸ்ஸவிடம் விடுத்த வேண்டுகோளுக்கு இணங்க இந்த விசேட கலந்துரையாடல் நடைபெற்றது. 

நாட்டின் தேசிய சுகாதாரக் கொள்கையை உருவாக்குதல், சுகாதார சேவைகளை டிஜிட்டல் மயமாக்குவதில் முன்னுரிமை அளிக்கப்பட வேண்டிய பகுதிகள், பழைய சுற்றறிக்கைகளில் திருத்தங்கள், இடமாற்றங்கள் மற்றும் இதுவரை இருந்த சுகாதார சேவைகளின் சிறந்த தரத்தை மேலும் மேம்படுத்துதல் மற்றும் பராமரித்தல் உள்ளிட்ட பல பிரச்சினைகள் குறித்து இங்கு கலந்துரையாடப்பட்டது.

இந்தக் கலந்துரையாடலின் போது, மருத்துவ நிபுணர்கள் சங்கத்தின் (Association of Medical Specialists - AMS) பிரதிநிதிகள் முன்வைத்த சில பிரச்சினைகள் குறித்து அமைச்சர் டாக்டர் நளிந்த ஜயதிஸ்ஸ கலந்துரையாடினார், மேலும் குறுகிய காலத்தில் தீர்க்கப்படக்கூடிய பல கோரிக்கைகளுக்கு தீர்வுகளை வழங்குவது குறித்து கவனம் செலுத்தினார். 

சுகாதார மற்றும் வெகுஜன ஊடக அமைச்சின் மேலதிக செயலாளர் டாக்டர் குமார விக்ரமசிங்க, துணை இயக்குநர் டாக்டர் சமிந்தி சமரக்கோன், மருத்துவ நிபுணர்கள் சங்கத்தின் தலைவர் டாக்டர் ரசிகா குணபால, செயலாளர் டாக்டர் ஆர். ஞானசேகரம், பொருளாளர் நிபுணர் டாக்டர். திலீப அமரசூரிய மற்றும் சங்கத்தின் பிரதிநிதிகள் கலந்து கொண்டனர்.