- சிறு வெள்ளம் ஏற்பட வாய்ப்பு
- பாதுகாப்பாக இருக்குமாறு திணைக்களம் வேண்டுகோள்
களனி கங்கையில் மேல் மற்றும் மத்திய நீரேந்துப் பகுதிகளில் தற்போது பதிவாகியுள்ள அதிக மழை காரணமாக, செம்மஞ்சள் நிற முதலாம் மட்ட வெள்ள எச்சரிக்கையை நீர்ப்பாசனத் திணைக்களம் விடுத்துள்ளது.
நிலவும் மழை வீழ்ச்சி மற்றும் ஆற்றின் நீர்மட்டப் பகுப்பாய்வுகளின் அடிப்படையில், எதிர்வரும் 48 மணித்தியாலங்களுக்குள் தெஹியோவிட்ட, ருவன்வெல்ல, சீதாவாக்கை ஆகிய பிரதேச செயலகப் பிரிவுகளுக்குட்பட்ட தாழ்நிலப் பகுதிகளில் சிறு வெள்ளப்பெருக்கு ஏற்படக்கூடும் என எச்சரிக்கப்பட்டுள்ளது.
இந்த அவசர எச்சரிக்கையானது ஓகஸ்ட் 03 ஆம் திகதி ஞாயிற்றுக்கிழமை மு.ப. 7.00 மணி வரை செல்லுபடியாகும் என அறிவிக்கப்பட்டுள்ளது.
எதிர்வரும் காலங்களில் மேலும் பலத்த மழை பெய்யக்கூடும் என்பதால் ஆற்றின் நீர்மட்டம் திடீரென அதிகரிக்கக்கூடும் என வானிலை முன்னறிவிப்புகள் தெரிவிக்கின்றன.
இதனால் குறித்த பகுதிகளில் வசிக்கும் பொதுமக்கள், ஆற்றைப் பயன்படுத்துவோர் மற்றும் அந்தப் பாதைகளினூடாகப் பயணிக்கும் வாகனச் சாரதிகள் மிகவும் அவதானத்துடனும் பாதுகாப்புடனும் செயற்படுமாறு அறிவுறுத்தப்பட்டுள்ளது.
இது தொடர்பில் பொதுமக்கள் உரிய முன்னெச்சரிக்கை நடவடிக்கைகளை எடுக்குமாறு அனர்த்த முகாமைத்துவ பிரிவு கேட்டுக்கொள்ளப்படுகின்றனர்.
No comments
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3.உங்களது மேலான கருத்துக்களையும் ஆலோசனைகளையும் எதிர்பார்கிறோம்
இந்த வலைதளம் வளாச்சிக்கு நிறை - குறைகளை
சுட்டி காட்டவும் உங்கள் வருகைக்கு நன்றி.