கித்துல்கலையில் பிரதி அமைச்சரின் வாகனம் விபத்து

கல்வி மற்றும் உயர்கல்வி பிரதி அமைச்சர் மதுர செனவிரத்ன பயணித்த மோட்டார் வாகனம் விபத்துக்குள்ளாகியுள்ளது.

நேற்று (22) இரவு அவர் கொழும்பிலிருந்து ஹட்டன் ஊடாக நுவரெலியா நோக்கிப் பயணித்துக் கொண்டிருந்தபோது, கித்துல்கலை களுகொஹு தென்ன பகுதியில் அவர் பயணித்த கேப் ரக வாகனம் வழுக்கிச் சென்று வீதியோரத்திலிருந்த மின்சாரக் கம்பமொன்றில் மோதியதாலேயே இந்த விபத்து ஏற்பட்டுள்ளது.

இந்த விபத்தின் போது பிரதி அமைச்சருக்கோ அல்லது வாகனத்தைச் செலுத்திய சாரதிக்கோ எவ்வித காயங்களும் ஏற்படவில்லை. எவ்வாறாயினும், விபத்தினால் வாகனத்திற்குப் பலத்த சேதங்கள் ஏற்பட்டுள்ளதுடன், சம்பவம் தொடர்பில் கித்துல்கலை பொலிஸார் மேலதிக விசாரணைகளை ஆரம்பித்துள்ளனர்.